Art NGO
Ֆոկուսը Երևանում գործող արվեստի հասարակական կազմակերպություն է` տարատեսակ միջոցառումների, հանդիպումների ու զրույցների վայր: Կազմակերպությունն ունի նաև հարմարավետ գրադարան–ընթերցասրահ, որտեղ կգտնեք բազմաթիվ գրքեր․ արվեստ, փիլիսոփայություն, ճարտարապետություն, գեղարվեստական գրականություն և այլն:
Ֆոկուսն այժմ կենտրոնացած է հետևյալ խնդիրների շուրջ՝ արվեստի կրթություն, փաստագրություն, ինքնաբավություն, և զարգացնում է երեք ընթացիկ նախագիծ՝ Մեդիալաբ, ACTV և Գրադարան:
ACTV-ն Ֆոկուսի առցանց վիդեո նախագիծն է, որը դարձել է այլընտրանքային հարթակ մեդիայի զարգացման համար: ACTV առցանց հարթակը գործածում է արվեստը որպես ուսումնասիրելու և վերլուծելու միջոց։
Մեդիալաբը կիսամյա կրթական նախագիծ է, որն իրականացվում է 2007–ից: Նախագիծն անվճար արվեստային կրթություն է տրամադրում երիտասարդ արվեստագետներին և արվեստով զբաղվողներին:
Ֆոկուսի գրասենյակում գործում է հանրային գրադարան: Գրադարանը միավորում է արվեստի, փիլիսոփայության, ճարտարապետության, գրականությանը նվիրված բազմաթիվ անգլերեն, ֆրանսերեն, հայերեն և այլ լեզուներով գրքեր և կատալոգներ: