Աջակցիր ՄԵԴԻԱԼԱԲԻՆ

2007 թվականից սկսած՝ Ֆոկուս արվեստի ՀԿ-ի ներքո գործող Մեդիալաբը անվճար կրթություն է տրամադրում երիտասարդ արվեստագետներին եւ արվեստով հետաքրքրվող մասնագետներին. այն բաց արվեստանոց է, որը զարգացնում է երիտասարդների արվեստային եւ ստեղծագործական հմտությունները, տրամադրում քննադատական ու վերլուծական մտածողության գործիքներ, նախագծեր իրագործելու տեխնիկական հնարավորություններ, խորհրդատվություն, կապեր:

Մեդիալաբի կիսամյա ուսումնական ծրագիրը կազմված է 10 տեսական և գործնական դասընթացներից, որոնք վարում են ոլորտի լավագույն մասնագետները, և դասընթացներին զուգորդող միջոցառումներից, որոնց ընթացքում կազմակերպվում են հանդիպումներ, վարպետության դասեր Հայաստանի և արտերկրի արվեստագետների եւ ոլորտի մասնագետների հետ:

Մեր ձեռքբերումները

Այս 10 տարիների ընթացքում`

• մեզ հաջողվել է շարունակաբար ընդլայնել դասընթացների ցանկը: Այսօր մենք դասավանդում ենք շուրջ 10 հիմնական դասընթաց, որոնց մեծ մասը հասանելի չէ որևէ այլ արվեստային կրթօջախում:
• ներգրավել երիտասարդ լավագույն մասնագետ-դասընթացավարների, որոնք իրենց գիտելիքն են ներդնում ծրագրի և այլընտրանքային կրթության զարգացման գործում:
• ունենալ դիմորդների մասնագիտական լայն շրջանակ եւ բարձր մրցակցություն. յուրաքանչյուր տարի մեզ դիմում են շուրջ 150 երիտասարդներ արվեստային տարբեր բուհերի ուսանողներ եւ շրջանավարտներ, արվեստի ոլորտի մասնագետներ:
• կրթել Հայաստանի արվեստի դաշտում ներգրավված շրջանավարտներ. մեր ուսանողները հաջողությամբ համագործակցում են տեղական ժամանակակից արվեստի հաստատությունների եւ արվեստագետների հետ:
• ձեռք բերել կայուն դիրքեր այլընտրանքային արվեստային կրթության դաշտում. մինչ օրս Մեդիալաբը մնում է արվեստի այլընտրանքային կրթություն տրամադրող միակ, ընդ որում՝ անվճար ծրագիրը եւ բարձր հեղինակություն է վայելում ուսանողների եւ մասնագետների շրջանում:
• ստեղծել տեղական ու միջազգային համագործակիցների մեծ ցանց. մենք պարբերաբար հրավիրում ենք մեր գործընկերներին՝ վարպետության դասեր եւ հանդիպումներ անցկացնելու Մեդիալաբի ուսանողների հետ:
• ապահովել տեխնոլոգիական հագեցվածություն եւ մասնագիտական գրադարան. մեզ հաջողվել է ստեղծել եզակի մասնագիտական գրադարան, համալրված ոլորտին վերաբերող գրականությամբ, եւ ձեռք բերել անհրաժեշտ բարձորակ տեխնիկա՝ նկարահանումների, մոնտաժի, լուսանկարների երեւակման եւ տպագրման համար:
• դարձնել Մեդիալաբը  բաց արվեստանոց, դասընթացների, հանդիպումների, արվեստի քննադատական պրակտիկաների ձեւավորման, ինչպես նաեւ արվեստի նախագծերի իրագործման տարածք

2018-2020 մեր ծրագրերը

• Կրթական ծրագրի ծավալների ընդլայնում անվճար կրթության սկզբունքի պահպանմամբ
• Մասնագիտական գրականության՝ դասագրքերի եւ ուսումնական ձեռնարկների ձեռքբերում եւ թարգմանություն
• Ավելի հարմարավետ պայմաններ ուսանողների կրթական գործընթացի կազմակերպման համար
• Համագործակցային նախագծերի եւ ծրագրերի ընդլայնում
• Արվեստի այլընտրանքային կրթություն տրամադրող դպրոցի հիմնում
• Գործունեության հիմնական տարածքի ձեռքբերում